काठमाडौँ । नेपालको एकमात्र अन्तर्राष्ट्रिय विमानस्थल त्रिभुवन अन्तर्राष्ट्रिय विमानस्थल देशभित्र र बाहिर आवतजावतको मुख्य केन्द्रका रूपमा रहेको छ। यही विमानस्थलबाट विश्वका विभिन्न देशहरूमा रोजगारी, अध्ययन, भ्रमण तथा कूटनीतिक प्रयोजनका लागि नेपाली नागरिकहरू जाने–आउने गर्दछन्।
यस विमानस्थलबाट अन्तर्राष्ट्रिय उडान मात्र नभई देशका विभिन्न भागहरूमा आन्तरिक (डोमेस्टिक) हवाई सेवा पनि सञ्चालन हुँदै आएको छ।
दैनिक हजारौँ यात्रुहरूको चहलपहल रहने यो विमानस्थल नेपालीहरूको सपना, संघर्ष र भविष्यसँग प्रत्यक्ष जोडिएको देखिन्छ।
हरेक दिन ठूलो सङ्ख्यामा नेपाली युवाहरू उच्च शिक्षा अध्ययन तथा वैदेशिक रोजगारीका लागि परिवार र समाज छोडेर विदेशिने गर्छन्। कतिपयका लागि विदेश यात्राले उज्ज्वल भविष्यको ढोका खोल्ने गरेको छ भने कतिपयका लागि निराशा र कठिनाइको अनुभव पनि यही हवाई मार्गबाट फर्किएर आउने गरेको छ।
नेपालमा पर्याप्त रोजगारीको अभाव, स्वरोजगारका अवसरको कमी तथा राजनीतिक प्रभावका कारण अवसरहरू सीमित हुँदा धेरै युवाहरू विदेशिन बाध्य छन्। परिणामस्वरूप, खाडी मुलुकलगायत विभिन्न देशहरूमा कडा मेहनत गरेर जीविकोपार्जन गर्नुपर्ने अवस्था सिर्जना भएको छ, जसको सुरुवात यही विमानस्थलबाट हुने गर्दछ।
विदेश जानेहरूको भीडले विमानस्थल परिसर सधैँ व्यस्त रहने गर्दछ। युवाहरू आफ्ना सपना बोकेर लामो लाइनमा उभिएका दृश्य यहाँ सामान्य जस्तै बनेको छ। वैदेशिक रोजगारीसँगै भ्रमण, अध्ययन र अन्तर्राष्ट्रिय सम्बन्ध विस्तारका लागि पनि यो विमानस्थल महत्वपूर्ण केन्द्रका रूपमा रहेको छ।
यसरी त्रिभुवन अन्तर्राष्ट्रिय विमानस्थल केवल हवाई उडानको स्थल मात्र नभई नेपालीहरूको आशा, संघर्ष र यथार्थको संगमस्थल बनेको
प्रकाशित मिति : २१ चैत्र २०८२ / रोसन रसाइली